Maxfiylik Siyosati va Xizmat Shartlari
Maxfiylik Siyosati
Ushbu hujjat Oson Test platformasi (oson-test.uz) foydalanuvchilarining shaxsiy ma'lumotlarini to'plash, saqlash, ishlatish, himoya qilish va to'lov tizimi qoidalarini belgilaydi.
Platformadan foydalanish orqali siz ushbu siyosat shartlariga rozilik bildirasiz.
Oxirgi yangilanish: 18.03.2026
Mundarija
- To'planadigan ma'lumotlar
- Ma'lumotlardan foydalanish maqsadlari
- Ma'lumotlarni himoya qilish
- Ma'lumotlarni uchinchi tomonlarga uzatish
- To'lov tizimi va balans
- Telegram integratsiyasi
- Cookie fayllari
- Foydalanuvchi huquqlari
- Xizmat shartlari va qoidalar
- Voyaga yetmaganlar
- Siyosatga o'zgartirishlar
- Aloqa ma'lumotlari
1. To'planadigan ma'lumotlar
Siz to'g'ridan-to'g'ri taqdim etadigan ma'lumotlar:
- Hisob ma'lumotlari: ism, familiya, foydalanuvchi nomi, email, telefon raqami, parol (shifrlangan holda saqlanadi)
- Profil ma'lumotlari: profil rasmi, bio/ma'lumot, Telegram ID
- Ta'lim ma'lumotlari: imtihon javoblari, test natijalari, kurs progressi, sertifikatlar
- So'rovnoma javoblari: so'rovnoma va anketa javoblari, yuklangan fayllar
- To'lov ma'lumotlari: to'lov summasi, to'lov usuli, tranzaksiya holati (karta raqamlari platformada saqlanmaydi)
Avtomatik to'planadigan ma'lumotlar:
- Texnik ma'lumotlar: IP manzil, brauzer turi va versiyasi, operatsion tizim, qurilma turi
- Foydalanish ma'lumotlari: sahifalar tashrifi, tizimga kirish vaqti, sessiya davomiyligi
- Cookie fayllari: sessiya identifikatorlari, til sozlamalari, autentifikatsiya tokenlari
Uchinchi tomonlar orqali olinadigan ma'lumotlar:
- Google OAuth2: Google hisob orqali kirganda ism, email va profil rasmi
- Telegram: Telegram bot orqali foydalanuvchi ID, ism, foydalanuvchi nomi
2. Ma'lumotlardan foydalanish maqsadlari
- Xizmat ko'rsatish: hisobingizni yaratish, imtihonlar va kurslarni taqdim etish, natijalarni hisoblash
- To'lov operatsiyalari: balansni boshqarish, to'lovlarni qayta ishlash, tranzaksiya tarixini saqlash
- Xavfsizlik: hisobni ruxsatsiz kirishdan himoya qilish, API rate limiting, shubhali faoliyatni aniqlash
- Aloqa: muhim xabarlar, parolni tiklash, to'lov bildirishnomalari (SMS va email orqali)
- Sertifikatlash: imtihon natijalari asosida sertifikat yaratish (ism, ball, sana ko'rsatiladi)
- Tahlil: platforma ishlashini yaxshilash, xatolarni tuzatish, foydalanish statistikasi
Muhim: Biz sizning ma'lumotlaringizni hech qachon uchinchi tomonlarga sotmaymiz, ijaraga bermaymiz yoki reklama maqsadida foydalanmaymiz.
3. Ma'lumotlarni himoya qilish
- Shifrlash: barcha ma'lumotlar SSL/TLS (HTTPS) protokoli orqali uzatiladi. Parollar bir tomonlama xesh algoritmi bilan saqlanadi
- Autentifikatsiya: token asosidagi API autentifikatsiya, 30 kunlik avtomatik muddati tugash, sessiya 12 soatda tugaydi
- API himoyasi: rate limiting (autentifikatsiya 5/min, foydalanuvchi 60/min), CSRF himoya, CORS sozlamalari
- Ma'lumotlar bazasi: to'lov operatsiyalari atomic tranzaksiyalar bilan himoyalangan (ma'lumot yo'qolishi oldini olish)
- Kirish nazorati: rollar tizimi orqali ma'lumotlarga kirish cheklangan. Oddiy foydalanuvchi faqat o'z ma'lumotlarini ko'radi
- Karta ma'lumotlari: to'lov karta raqamlari platformada saqlanmaydi. To'lovlar Atmos to'lov tizimi orqali amalga oshiriladi
4. Ma'lumotlarni uchinchi tomonlarga uzatish
Sizning ma'lumotlaringiz quyidagi holatlarda uchinchi tomonlarga uzatilishi mumkin:
- To'lov provayderlari: Atmos to'lov tizimiga to'lov amalga oshirish uchun zarur ma'lumotlar (summa, hisob identifikatori). Karta ma'lumotlari to'g'ridan-to'g'ri Atmos serverlariga yuboriladi
- Google: Google hisobi orqali kirganda autentifikatsiya uchun Google OAuth2 xizmati ishlatiladi
- Telegram: bot orqali foydalanganda xabarlar Telegram API orqali yuboriladi
- AI xizmatlari: AI savol generatsiyasida manba matn Google Gemini API ga yuboriladi (shaxsiy ma'lumotlar yuborilmaydi)
- Huquqiy talab: qonun talabiga binoan davlat organlariga
Biz foydalanuvchi ma'lumotlarini reklama, marketing yoki profiling maqsadida hech qanday uchinchi tomonga bermaymiz.
5. To'lov tizimi va balans
Balans turlari
Platformada ikki xil balans turi mavjud:
| Turi | Tavsif | Xususiyatlari |
|---|---|---|
| 💰 Asosiy balans | Bank kartasi orqali to'ldiriladi (Atmos to'lov tizimi). Barcha xizmatlar uchun ishlatiladi. |
|
| 🎁 Bonus balans | Tizim tomonidan beriladigan bonuslar: xush kelibsiz bonusi, referral bonusi, admin bonusi, imtihon daromadidan o'tkazma. |
|
Sarflash tartibi: Xizmatlar uchun to'lov qilinganda avval bonus balans sarflanadi. Bonus balans yetmasa, qolgan qismi asosiy balansdan ushlab qolinadi.
To'lov operatsiyalari
- To'lovlar Atmos to'lov gateway orqali amalga oshiriladi. Karta raqamlari platformada saqlanmaydi
- Har bir to'lov SMS OTP (bir martalik kod) orqali tasdiqlanadi
- Barcha tranzaksiyalar to'lov tarixida saqlanadi va foydalanuvchiga ko'rsatiladi
- Yangi foydalanuvchilarga ro'yxatdan o'tganda bir martalik xush kelibsiz bonusi beriladi (bonus balansga)
Imtihon daromadini o'tkazish (Transfer)
Pullik imtihon yaratuvchilari imtihon balansidagi daromadni o'z hisobiga o'tkazishi mumkin. Ikki xil o'tkazma mavjud:
| O'tkazma turi | Soliq stavkasi | Qabul qiluvchi | Misol |
|---|---|---|---|
| Bonus balansga | 10% | Bonus balans | 100,000 → 90,000 bonus (10,000 soliq) |
| Asosiy balansga | 20% | Asosiy balans | 100,000 → 80,000 balans (20,000 soliq) |
Eslatma: Bonus balansga o'tkazilgan mablag'ni kartaga yechib olish mumkin emas. Asosiy balansga o'tkazilgan mablag'ni yechib olish mumkin.
Mablag' yechib olish (Withdrawal)
- Faqat asosiy balansdan mablag' yechib olish mumkin (bonus balansdan emas)
- Yechib olishda 5% soliq ushlab qolinadi
- Misol: 100,000 so'm yechib olishda 5,000 so'm soliq, 95,000 so'm kartangizga tushadi
- Yechib olish so'rovi administrator tomonidan ko'rib chiqiladi va tasdiqlangandan keyin kartaga o'tkaziladi
- So'rov yuborilganda mablag' balansdan ushlab qolinadi. Rad etilsa, mablag' balansga qaytariladi
Soliq stavkalari
| Operatsiya | Soliq | Izoh |
|---|---|---|
| Imtihon → Bonus balans | 10% | Imtihon daromadini bonus balansga o'tkazish |
| Imtihon → Asosiy balans | 20% | Imtihon daromadini asosiy balansga o'tkazish |
| Balans → Karta | 5% | Asosiy balansdan kartaga yechib olish |
Muhim — qaytarilmaydigan operatsiyalar:
- Balansdan sarflangan mablag'lar (imtihon yaratish, savol generatsiya, pullik imtihon topshirish) qaytarilmaydi
- O'tkazma va yechib olishda ushlab qolingan soliq qaytarilmaydi
- Bonus balansni kartaga yechib olish mumkin emas
- Hisob o'chirilganda qoldiq balans (asosiy va bonus) qaytarilmaydi
Narxlash
- Xizmat narxlari platformada elon qilinadi va oldindan ma'lum qilinmasdan o'zgarishi mumkin
- Allaqachon sarflangan operatsiyalarga narx o'zgarishi ta'sir qilmaydi
- Pullik imtihon narxi imtihon yaratuvchisi tomonidan belgilanadi
- Soliq stavkalari o'zgarishi mumkin. Joriy stavkalar API va platforma interfeysida ko'rsatiladi
To'lov ma'lumotlari xavfsizligi
- Karta raqamlari, amal qilish muddati va CVV kodlari platformada saqlanmaydi
- To'lov ma'lumotlari to'g'ridan-to'g'ri Atmos to'lov provayderi serverlariga yuboriladi
- Platforma faqat tranzaksiya identifikatori, summa va holat ma'lumotlarini saqlaydi
6. Telegram integratsiyasi
- Telegram bot orqali foydalanganda Telegram user ID, ism va foydalanuvchi nomi saqlanadi
- Bot orqali yuborilgan xabarlar va javoblar Telegram API orqali uzatiladi va Telegram serverlarida ham saqlanadi
- Telegram hisobingizni platforma hisobiga bog'lash ixtiyoriy. Bog'langan hisobni istalgan vaqtda uzishingiz mumkin
- Telegram Mini App orqali to'lov qilganda xuddi veb-saytdagi kabi xavfsizlik choralari qo'llaniladi
- Telegram bot ma'lumotlariga faqat platforma administratorlari kirish huquqiga ega
7. Cookie fayllari
| Turi | Maqsadi | Muddati |
|---|---|---|
| Sessiya | Tizimga kirish holati, CSRF himoya | 12 soat |
| Til | Tanlangan til sozlamasi | 1 yil |
| API token | Mobil ilova autentifikatsiyasi | 30 kun |
Platforma reklama yoki tracking cookie fayllaridan foydalanmaydi. Cookie fayllarini brauzer sozlamalari orqali boshqarishingiz mumkin.
8. Foydalanuvchi huquqlari
- Ko'rish: profil sahifasida o'z shaxsiy ma'lumotlaringizni ko'rishingiz mumkin
- Tahrirlash: ism, email, telefon va boshqa ma'lumotlarni istalgan vaqtda o'zgartirishingiz mumkin
- Natijalar: imtihon natijalari va to'lov tarixini to'liq ko'rishingiz mumkin
- Bog'lanishni uzish: Google va Telegram hisoblarini istalgan vaqtda uzishingiz mumkin
- Hisobni o'chirish: hisobingizni butunlay o'chirishni so'rashingiz mumkin. O'chirilgandan keyin barcha shaxsiy ma'lumotlar qaytarib bo'lmas tarzda o'chiriladi
Parolni tiklash
Agar parolingizni unutgan bo'lsangiz yoki Google/Telegram orqali kirgan bo'lsangiz va parol o'rnatmagan bo'lsangiz, yangi parol olishingiz mumkin:
- Telegram: Telegram hisobingiz bog'langan bo'lsa, yangi parol Telegram bot orqali yuboriladi
- Email: Hisobingizda email mavjud bo'lsa, yangi parol email orqali yuboriladi (info@oson-test.uz dan)
Yangi parol tasodifiy generatsiya qilinadi. Tizimga kirganingizdan so'ng parolni o'zgartirishni tavsiya qilamiz.
Hisobni o'chirish bo'yicha so'rov yuborish uchun info@oson-test.uz ga murojaat qiling. So'rov 30 kun ichida ko'rib chiqiladi.
Hisob o'chirilganda balans qoldig'i qaytarilmaydi. O'chirishdan oldin balansni sarflashingizni tavsiya qilamiz.
9. Xizmat shartlari va qoidalar
Foydalanish qoidalari:
- Platformadan faqat qonuniy maqsadlarda foydalaning
- Hisob ma'lumotlaringizni boshqalar bilan bo'lishmang
- Imtihon jarayonida aldash va noto'g'ri javob berishga urinmang
- Boshqa foydalanuvchilarning huquqlarini hurmat qiling
- Intellektual mulk huquqlarini buzadigan kontent joylashtirmang
Ta'qiqlangan harakatlar:
- Soxta ma'lumot bilan ro'yxatdan o'tish
- Boshqalarning hisoblaridan ruxsatsiz foydalanish
- Platformaga zararli dastur yuklash yoki xaker hujumlari uyushtirish
- Spam, zararli havola yoki taqiqlangan kontent tarqatish
- Platformaning texnik tizimlarini buzishga urinish
- Avtomatik vositalar (bot, scraper) yordamida ma'lumot yig'ish
Ogohlantirish: qoidalarni buzgan foydalanuvchilar hisoblari ogohlantirish berilmasdan bloklanishi mumkin. Bloklangan hisobdagi balans qaytarilmaydi.
Javobgarlik chegarasi:
- Platforma 'boricha' asosda taqdim etiladi. Uzluksiz ishlash kafolat berilmaydi
- Texnik nosozliklar tufayli yuzaga kelgan zararlar uchun platforma javobgar emas
- Foydalanuvchilar tomonidan yaratilgan kontent uchun kontent egasi javobgar
10. Voyaga yetmaganlar
Platformadan 14 yoshdan kichik shaxslar foydalanishi mumkin emas. 14-18 yosh orasidagi foydalanuvchilar ota-onasi yoki qonuniy vakili roziligida foydalanishi mumkin.
Agar biz 14 yoshdan kichik shaxsning ma'lumotlarini to'plaganimizni aniqlasak, ushbu ma'lumotlar darhol o'chiriladi.
11. Siyosatga o'zgartirishlar
Biz ushbu maxfiylik siyosatini istalgan vaqtda o'zgartirish huquqini saqlab qolamiz. Muhim o'zgarishlar haqida platformada xabar beriladi.
O'zgarishlardan keyin platformadan foydalanishni davom ettirish yangilangan shartlarga rozilik bildirish hisoblanadi.
12. Aloqa ma'lumotlari
Umumiy savollar:
Manzil:
- Toshkent shahri, O'zbekiston
- Dushanba — Juma, 9:00 — 18:00